«Łas Bulbas» — multsieryjał pra Łukašenku ŭ styli «Futuramy»
U siecivie źiavilisia try seryi novaha multyplikajnaha seryjału «Łas Bulbas». Multfilm robicca prafesijnymi multyplikatarami i ahučvajecca aktorami z roznych krainaŭ. U im lohka paznajecca biełaruskaja rečaisnaść.
10.01.2013 / 02:45
Siužet
U hetym, na pieršy pohlad, vydumanym fantastyčnym siužecie zakadavanaja biełaruskaja rečaisnaść — raspavioŭ Radyjo Svaboda kiraŭnik prajektu Pavał Marozaŭ.
Pavał Marozaŭ: «Hety multseryjał stvarajecca dla biełarusaŭ, tamu što ŭ biełarusaŭ, na žal, niama hetak zvanaj papularnaj animacyi, jak na Zachadzie viadomyja seryjały Futurama, Simpsany. U Biełarusi heta žanr nijak nie pradstaŭleny. My zrabili sprobu zrabić niešta takoje śmiešnaje dla šyrokaha koła hledačoŭ."
Franak Viačorka: «U pieršych seryjach možna pabačyć šmat supadzieńniaŭ z rečaisnaściu. A što i chto, akramia hałoŭnakamandujučaha, kiraŭnika hetaje vydumanaje krainy maje realnyja pratatypy?»
Pavał Marozaŭ: «Heta dastatkova zakrytaja kraina. Persanažy ŭ seryjale žyvuć izalavana ad usiaho suśvietu. I tam adbyvajucca rečy, jakija, u niezaležnaści ad ich surjoznaści ci niesurjoznaści, usprymajucca niejak unikalna. Šmat jakija persanažy majuć svaje, kali nie pramyja, to ŭskosnyja paraleli z rečaisnaściu. Hałoŭny hieroj — heta typovy student Biełarusi, tynejdžer, jaki žyvie, nia dumaje pra palityku ci inšyja surjoznyja rečy, pakul sam vypadkova nie sutykujecca z hetaj rečaisnaściu. Jaho maci — prafesar. Usie jany majuć niejkich svaich alterehaŭ u biełaruskim hramadztvie»
Franak Viačorka: «Kali nie sakret, chto hety seryjał robić? Chto prydumlaje siužety?»
Pavał Marozaŭ: «Kamanda internejšenał. Viadoma, kaściak kamandy — biełarusy, jakija žyvuć u Biełarusi i za miažoj, u Estonii, va Ŭkrainie, ale jość i našyja kalehi — z Rasiei, Ukrainy, jakija nam dapamhajuć. Ahułam — čałaviek 15, jakija nam dapamahajuć rabić seryjał».
Pavał Marozaŭ — biełaruski hramadzki dziajač, siabra Rady BNR, sustvaralnik
Nastupnaja seryja źiavicca ŭ kancy studzienia.