Upali suśvietnyja ceny na kalij — druhuju pa značnaści krynicu ekspartnych dachodaŭ Biełarusi
11.01.2013 / 08:51
Kanadskaja kampanija Canpotex i kitajski kancern Sinochem padpisali kantrakt na pastaŭku Kitaju 1 miljona ton chłorystaha kaliju pa cenach, nižejšych za papiarednija na 70 dalaraŭ. U 2012 hodzie «Biełaruśkalij» adhružaŭ Kitaju kalij za 470 dalaraŭ tonu. A ŭ Indyju navat za 490 dalaraŭ.
Biełaruskaja kalijnaja kampanija — trejdar «Biełaruśkalija» i «Urałkalija» — heta najbujniejšy pradaviec kalijnych uhnajeńniaŭ u śviecie. Kanadcy zajmajuć druhoje miesca na rynku.
Źnižeńnie cenaŭ źviazvajuć z rostam składskich zapasaŭ kaliju ŭ Kitai i ekanamičnaj prabuksoŭkaj u Indyi.
Padzieńnie cenaŭ na kalij moža pryvieści da padzieńnia ekspartnych prybytkaŭ Biełarusi ŭ 2013 hodzie i rostu deficytu biahučaha rachunku. Krainie mohuć spatrebicca novyja zamiežnyja zapazyčvańni abo pryvatyzacyja, kab stačyć kancy z kancami. Papiaredniaje padzieńnie cenaŭ na kalij adbyłosia ŭ 2009 hodzie na chvali suśvietnaha finansavaha kryzisu.