Kaplica Pałaca Radziviłaŭ u Niaśvižy budzie aśviečana 9 lutaha
18.01.2013 / 15:2
Kaplica Maci Božaj Łaretanskaj ŭ Niaśvižskim pałacavym ansambli XVI-XIX st. budzie aśviečana 9 lutaha. Pra heta stała viadoma padčas sustrečy duchavienstva Minska-Mahiloŭskaj archidyjacezii ŭ kaściole Sv. Symona i Aleny.
Uračystaja liturhija z udziełam mitrapalita Tadevuša Kandrusieviča zapłanavana ŭ Niaśvižy na 12:00.
Letaś z kaścioła Božaha Cieła ŭ kaplicu byli pieraniesienyja kamiennyja plity, jakija znachodzilisia tut da pačatku Druhoj suśvietnaj vajny.
Uvachod u kaplicu na čas uračystaściaŭ dla ŭsich žadajučych budzie volnym. Bolš padrabiaznaja infarmacyja pra kaplicu budzie padadziena na našym sajcie nieŭzabavie.