Minsk aktyvizavaŭ pieramovy z Zachadam
18.01.2013 / 20:29
Ministr zamiežnych spraŭ Biełarusi Uładzimir Makiej pravioŭ 18 studzienia ŭ Minsku rabočuju sustreču z kiraŭnikami dypłamatyčnych pradstaŭnictvaŭ dziaržaŭ — členaŭ Jeŭrapiejskaha sajuza, Vatykana, ZŠA i Šviejcaryi.Jak paviedamlaje
Taksama siońnia ŭ biełaruskaj stalicy prajšli kansultacyi pamiž źniešniepalityčnymi viedamstvami Biełarusi i Litvy pa prablematycy «Uschodniaha partniorstva».
Ź litoŭskaha boku ŭ ich udzielničali dyrektar departamienta Uschodniaha susiedstva Edminas Bahdonas (były pasoł Litvy ŭ Biełarusi) i pasoł pa asablivych daručeńniach Vajdotas Viarba.
«Padčas kansultacyj baki abmierkavali pytańni raźvićcia sumiesnaj inicyjatyvy Jeŭrapiejskaha sajuza i krain — susiedziaŭ ES „Uschodniaje partniorstva“, uklučajučy padrychtoŭku da vilenskaha samitu UP u listapadzie 2013 hoda ŭ kantekście budučaha staršynstva Litvy ŭ Jeŭrapiejskim sajuzie», — paviedamlaje
Nahadajem, daradca prezidenta Litvy pa zamiežnych spravach Jovita Nielupšenie siońnia zajaviła žurnalistam u Vilni, što na samit Uschodniaha partniorstva ŭ litoŭskuju stalicu pradstaŭnikoŭ aficyjnaha Minska, na jakich raspaŭsiudžvajucca sankcyi ES, litoŭski bok zaprašać nie maje namieru.
***
Kantakty kiraŭnika MZS z pradstaŭnikami Jeŭropy aktyvizavalisia ŭ minułym miesiacy.Tak, 17 śniežnia kiraŭnik biełaruskaj dypłamatyi pryniaŭ dyrektara departamienta Rasii, Uschodniaha partniorstva, Centralnaj Azii, rehijanalnaha supracoŭnictva i ABSIE Jeŭrapiejskaj słužby źniešnich dziejańniaŭ Hunara Vihanda, jaki znachodziŭsia ŭ krainie ź vizitam. Jak paviedamlała
U hety ž dzień Uładzimir Makiej pravioŭ telefonnuju razmovu z kiraŭnikom MZS Čechii Karełam Švarcenbierham, ź jakim abmierkavaŭ «tematyku adnosin Biełarusi ź Jeŭrapiejskim sajuzam i šlachi ich narmalizacyi».
Praź niekalki dzion Makiej pa čarzie pravodzić sustrečy z pasłami Finlandyi, Estonii i Vialikabrytanii.
14–15 studzienia ŭ Minsku ź vizitam znachodziłasia delehacyja Rady Jeŭropy na čale z kiraŭnikom kabinieta hienieralnaha sakratara SIE Bjornam Bierhie, ź jakim Uładzimir Makiej abmiarkoŭvaje «mahčymyja śfiery supracoŭnictva pamiž Biełaruśsiu i SIE ŭ 2013 hodzie», paviedamiła
Jak ličyć palitołah Valeryj Karbalevič, Minsk i Brusiel viaduć pieramovy, jakija mahli b pryvieści da vyzvaleńnia palitźniavolenych u abmien na niejki zachad nasustrač Biełarusi z boku ES.
«Asabliva vostraj nieabchodnaści dla vyzvaleńnia palityčnych źniavolenych u biełaruskich uład niama, — adznačyŭ Karbalevič u intervju BiełaPAN. — Ale ŭ pryncypie narmalizavać adnosiny ź ES było b niadrenna. Na vialikuju ŭstupku Łukašenka naŭrad ci pojdzie, ale zrabić niejki krok, kab dać mahčymaść Jeŭrasajuzu zrabić i svoj krok nasustrač, ułady mohuć».
Jak nahadaŭ ekśpiert, kiraŭnik pradstaŭnictva Jeŭrasajuza ŭ Biełarusi Majra Moru ŭ adnym ź intervju zajaŭlała, što vyklučyć sa śpisu nieŭjaznych u ES ministra Makieja naohuł mahčyma, ale dla hetaha patrebien krok nasustrač z boku Biełarusi. Pavodle mierkavańnia Karbaleviča, vyzvaleńnie palitźniavolenych mahło b sadziejničać tamu, kab Makiej byŭ choć by časova vyklučany sa śpisu nieŭjaznych.
16 studzienia stała viadoma, što