Jury Humianiuk. ...My paciačem z vyšyni šerych hmachaŭ...
20.01.2013 / 01:10
Nas nie sustrenuć nikoli niabiosy.
My paciačem z vyšyni šerych hmachaŭ —
całkam žyvyja, śvietłavałosyja,
biełyja viaźni niazvykłaha strachu.
Byccam daždžynki ŭ kalužynach nafty,
stvorym dziaržavu sapraŭdnych kachankaŭ.
Chaj pazajzdrościać nam Chłoja i Dafnis,
navat śpirytus u baćkavaj šklancy.
Nas nie zaŭvažać sivyja pačvary,
my abminiem pa čarzie habiniety,
kab pavyciahvać miljony sakretaŭ,
u nieba dasłać zapavietnyja mary.
(Pryznačeńnie, 1992)