Сведка бачыў, як Гумянюк выпадаў з акна
У справе смерці Юрыя Гуменюка выяўлены сведка, які бачыў паэта перад няшчасным выпадкам.
20.01.2013 / 17:44
Юры Гумянюк вечарам 19 студзеня выпаў з вакна 9-га паверху. Паводле інфармацыі Польскага Радыё сьведкам здарэньня быў жыхар інтэрнату, які аднак не называе свайго імя.
Сьведка таксама жыве на дзявятым паверсе, і бачыў Юрыя а 21-ай гадзіне вечара. Паводле сьведкі, Юры не хацеў ні з кім размаўляць, быў «у сабе».
Сьведка сьцьвярджае, што падчас мыцьця посуду пабачыў праз вакно, як падае чалавек.
З паведамленьня сьведкі вынікае, што журналіст мог скончыць жыцьцё самагубствам. Сьведка таксама бачыў, што пры журналісьце знойдзена пасьведчаньне Беларускай рэдакцыі Польскага радыё.