Litva stała mienš kuplać biełaruskaj elektryčnaści

22.01.2013 / 11:24

Za apošni hod u Litvie stała krychu mienš elektryčnaści z Rasii i Biełarusi, ale bolš impartujecca estonskaj enierhii. Taksama bolš jaje vyrablajecca i ŭ samoj Litvie, piša Lietuvos rytas.

Bolš pryvabnuju canu, čym rasiejcy i biełarusy, prapanuje Estonija, jakaja zdabyvaje enierhiju z słanca, a taksama łatvijskija hidraelektrastancyi. Litoŭskaja elektryčnaść pa-raniejšamu samaja darahaja, ale jaje častka na rynku enierhii taksama raście.

Asnoŭnaja pryčyna, pa jakoj cana na estonskuju elektraenierhiju stała takoj kankurentazdolnaj — padčas ekanamičnaha kryzisu kvoty na zabrudžvańnie patańnieli ŭ niekalki razoŭ.