Marazy: DAI rekamienduje aŭtamabilistam ustrymacca ad pajezdak

22.01.2013 / 14:36

U suviazi z mocnymi marazami Dziaržaŭtainśpiekcyja zaklikaje aŭtamabilistaŭ pa mahčymaści ŭstrymacca ad pajezdak na asabistym transparcie, asabliva na dalokija adlehłaści.

Ab hetym havorycca ŭ paviedamleńni ŭpraŭleńnia DAI MUS Biełarusi.

Dziaržaŭtainśpiekcyja nahadvaje, što ŭ vypadku krajniaj nieabchodnaści adpraŭlacca ŭ darohu nieabchodna tolki dakładna pravieryŭšy aŭtamabil i pierakanaŭšysia ŭ jaho techničnaj spraŭnaści, kab nie apynucca na trasie ŭ niepryjemnaj situacyi. Asabliva heta tyčycca aŭtamabilaŭ z dyzielnym ruchavikom: mnohija ź ich «zamiarzajuć» prosta padčas ruchu.

DAI zaklikaje taksama ŭ darozie nie zabyvać ab pavyšanych mierach biaśpieki,

vybirać chutkaść ruchu z ulikam stanu prajeznaj častki, pavialičyć dystancyju i bakavy intervał, paźbiahać lubych rezkich ruchaŭ i manieŭraŭ. Nie zabyvać pryšpilvacca, być vielmi ŭvažlivymi pry prajeździe piešachodnych pierachodaŭ.

Piešachodam DAI nahadvaje, što aŭtamabil na ślizkaj darozie časam nie maje techničnaj mahčymaści svoječasova spynicca.

Tamu pierachodzić prajeznuju častku nieabchodna tolki va ŭstanoŭlenych miescach, pierakanaŭšysia, što vadzicieli paśpieli spynicca. U ciomny čas sutak abaviazkova abaznačyć siabie śviatłoadbiŭnymi elemientami.

Praca asabovaha składu darožna-patrulnaj słužby DAI aryjentavana na akazańnie dapamohi ŭdzielnikam darožnaha ruchu i arhanizacyju biaśpiečnych umoŭ ruchu.