Dva hady paśla Płoščy: karol Bachrejna prapanavaŭ apazicyi pačać dyjałoh
22.01.2013 / 16:25
Karol Bachrejna Chamad bien Isa al-Chalifa prapanavaŭ roznym palityčnym siłam krainy pačać dyjałoh pa pytańni ab budučyni krainy. Zaklik prahučaŭ napiaredadni druhoj hadaviny pačatku akcyj pratestu na Blizkim Uschodzie.
Masavyja chvalavańni pačalisia ŭ Bachrejnie ŭ siaredzinie lutaha 2011 hoda. Arhanizataram akcyj pratestu na Žamčužnaj płoščy stalicy krainy horada Manama vystupiła šyickaja bolšaść, jakaja patrabuje pašyreńnia svaich pravoŭ.
Pradstaŭniki apazicyjnych šyickich frakcyj zajavili, što hatovyja pryniać prapanovu manarcha biez papiarednich umovaŭ.
Uvosień minułaha hoda sunickija ŭłady krainy zabaranili praviadzieńnie lubych akcyj pratestu i publičnych mierapryjemstvaŭ.
Na Žamčužnaj płoščy stalicy Bachrejna horada Manama prachodzili ŭsie maštabnyja antyŭradavyja akcyi, a manumient u vyhladzie šaści vietraziaŭ i žamčužyny ŭ jaje centry staŭ simvałam baraćby za svabodu. 18 sakavika 2011 h. ułady vyrašyli źnieści znakamity pomnik.