Biełarusbank staŭ hienpartnioram čempijanatu Biełarusi pa futbole — 2013

22.01.2013 / 17:46

AAT «AAB Biełarusbank» u 2013 hodzie budzie hienieralnym partnioram 23-ha čempijanatu Biełarusi pa futbole siarod kamandaŭ vyšejšaj lihi.

Damovu ab hetym siońnia padpisali ŭ Minsku staršynia praŭleńnia starejšaha biełaruskaha banka Siarhiej Pisaryk i staršynia asacyjacyi «Biełaruskaja fiederacyja futboła» Siarhiej Rumas.

Siarhiej Pisaryk adznačyŭ, što Biełarusbank zaŭsiody ŭdzialaje vialikuju ŭvahu prapahandzie zdarovaha ładu žyćcia i dapamahaje raźvićciu biełaruskaha sportu. U pryvatnaści, samy bujny bank krainy doŭhi čas supracoŭničaje ź Biełaruskaj fiederacyjaj futboła. Asablivaja ŭvaha ŭdzialajecca padtrymcy dziciača-junackich škoł, jakija źjaŭlajucca fundamientam samaj masavaj i papularnaj hulni ŭ śviecie. Novaje partniorskaje pahadnieńnie, ličyć Siarhiej Pisaryk, pavinna stać čarhovym krokam va ŭmacavańni ŭzajemavyhadnaha supracoŭnictva z ABFF. Jon taksama padkreśliŭ, što nijakaha administracyjnaha nacisku na AAT «AAB Biełarusbank» nie było i być nie mahło, jak heta padajuć niekatoryja internet-sajty, pakolki tolki dobraachvotnaje partniorstva moža dać dobry efiekt.

Pavodle słoŭ Siarhieja Rumasa, damova ź Biełarusbankam pryniasie karyść biełaruskamu futbołu. Tak, dziakujučy finansavaj dapamozie ŭ hetym siezonie ŭpieršyniu nie buduć pavialičany zajavačnyja ŭznosy kłubaŭ dla ŭdziełu ŭ čempijanacie Biełarusi.

Jašče adnym z hałoŭnych napramkaŭ stanie rabota pa pryciahnieńni bolšaj kolkaści hledačoŭ na trybuny futbolnych aren. Dla hetaha ŭ štacie ABFF upieršyniu źjaviłasia pasada śpiecyjalista pa rabocie z zaŭziatarami, u abaviazki jakoha ŭvachodzić naładžvańnie kantaktaŭ z usimi katehoryjami amataraŭ futboła.
U minułym siezonie hienieralnym partnioram ABFF byŭ «Alfa-Bank» i supracoŭnictva ź im było davoli paśpiachovym. Adnak napiaredadni novaha futbolnaha siezona kiraŭnictva fiederacyi praviało pierahavory ź niekalkimi bankami i spyniłasia na varyjancie ź Biełarusbankam, umovy jakoha byli najbolš pryvabnymi.
Što datyčycca pierśpiektyŭ dalejšaha supracoŭnictva, treba pahladzieć, jak projdzie hety futbolny hod, a zatym sumiesna vyrašać pytańnie ab pradaŭžeńni partniorstva, ličyć staršynia ABFF.