Homielskamu aktyvistu zvonić ananim i patrabuje źniać nacyjanalny ściah

23.01.2013 / 20:30

Homielskamu demakratyčnamu aktyvistu Kastusiu Žukoŭskamu 23 studzienia niekalki razoŭ telefanavaŭ nieviadomy mužčyna i patrabavaŭ źniać bieł-čyrvona-bieły ściah, jaki aktyvist vyviesiŭ napiaredadni nad svaim pryvatnym domam z nahody 150-hodździa paŭstańnia Kalinoŭskaha.

Jak paviedamiŭ BiełaPAN Žukoŭski, pa numary jon vyznačyŭ, što nieviadomy telefanavaŭ z telefona-aŭtamata. Pa słovach aktyvista, mužčyna zajaviŭ: "Nie zdymieš - atrymaješ 15 sutak". Pradstaviŭsia nieviadomy "dobrazyčliŭcam".

Kali aktyvist prasiŭ nieviadomaha nazvać imia, toj kłaŭ słuchaŭku.

"Ja ŭpeŭnieny, što heta byŭ supracoŭnik milicyi. U jubilej narodnaha paŭstańnia ciapierašniaja ŭłada pakazała, kamu jana na samaj spravie słužyć", -- ličyć Žukoŭski.

Aktyvist patłumačyŭ, što

niezadoŭha da zvanka, jon užo źniaŭ ściah, kab toj nie rvaŭsia na vietry. Ale ciapier jon maje namier znoŭ jaho vyviesić, kab pakazać, što nie baicca ananimnych pahroz.

BiełaPAN