Naftavy bałans na hety hod Biełaruś i Rasija abmiarkujuć da kanca lutaha

24.01.2013 / 12:17

Rasija i Biełaruś abmiarkujuć paramietry naftavaha bałansu na 2013 hod da kanca lutaha, paviedamiŭ vice-premjer RF Arkadź Dvarkovič žurnalistam 23 studzienia padčas Suśvietnaha ekanamičnaha forumu ŭ Davosie.

«Što tyčycca bałansu da kanca hoda, to my damovilisia abmierkavać hetuju temu da kanca lutaha», — cytuje Dvarkoviča RIA Novosti.

Vice-premjer nahadaŭ, što Rasija i Biełaruś užo padpisali bałans pa pastaŭkach nafty i naftapraduktaŭ na pieršy kvartał hetaha hoda.

Biełaruś raźličvaje atrymać 23 młn. ton rasijskaj nafty, Rasija nastojvaje na pastaŭcy 21 młn. ton. U 2012 hodzie abjom pastaŭlenaj nafty skłaŭ pryblizna 21,5 młn. ton.

U pieršym kvartale hetaha hoda Biełaruś pavinna atrymać 5,75 młn. ton. «Pry ŭmovie pracy biełaruskich NPZ u raŭnamiernym hrafiku zahruzki heta ličba adpaviadaje nieabchodnamu abjomu, zajaŭlenamu Biełaruśsiu pa pastaŭkach nafty na nastupny hod, — 23 młn. t», — paviedamiła pres-słužba Savieta ministraŭ Biełarusi paśla padpisańnia bałansu na pieršy kvartał.