Handboł. Słavienija vybiła Rasiju i inšyja čverćfinały
U sieradu na čempijanacie śvietu pa handbole ŭ Ispanii prajšli čverćfinalnyja matčy.
24.01.2013 / 13:42
Zbornaja Słavienii vyrvała pieramohu ŭ Rasii 28:27. Rasiejcy žvava pačali matč: jany viali da 15-j chviliny 10:5, ale słaviency spačatku skaracili lik, a zatym i vyjhrali pieršy tajm (14:13). Biełarus Siarhiej Harbok, što vystupaje za Rasiju, zakinuŭ adzin miač, atrymaŭ čyrvonuju kartku i byŭ vydaleny.
Nahadajem, što biełarusy taksama prajhrali słaviencam z roźnicaj u adzin miač (26:27) na čempijanacie śvietu, heta było na hrupavoj stadyi.
Zbornaja Charvatyi pieramahła čempijonaŭ śvietu Francyju — 30:23. Nahadajem, što charvaty ŭ 1/8 finału vyjhrali ŭ Biełarusi 33:24.
Danija pieramahła Vienhryju 28:26, a Ispanija — Hiermaniju 28:24.
U paŭfinałach u piatnicu zhulajuć: Charvatyja — Danija (23:30), Ispanija — Słavienija (21:15). Finał projdzie ŭ niadzielu.