«Міжнародны рэзервовы банк» паведаміў аб змене назвы

Ён цяпер будзе называцца «Еўраторгінвестбанк». Адначасова са зменай імя паведамляецца аб новым курсе развіцця.

28.01.2013 / 14:59

«Новая стратэгія банка ставіць мэтай стварэнне універсальнай фінансавай установы з развітай рэгіянальнай сеткай, якая прадстаўляе актуальныя банкаўскія прадукты і паслугі для фізічных і юрыдычных асоб, у першую чаргу, праз рознічную сетку кампаніі "Еўраторг» -- асноўнага акцыянера банка», - гаворыцца на сайце банка.

Банк цалкам абновіць карпаратыўны стыль. Зменіцца лагатып, карпаратыўны сайт, знешняе і ўнутранае афармленне офісаў і пунктаў продажаў.

Нагадаем, што «Еўраторг» стаў уладальнікам банка летам мінулага года і амаль адразу было заяўлена пра магчымасць рэбрэндынгу.

Нагадаем, што МРБ спецыялізаваўся на спажывецкіх крэдытах сеткі крам «Еўраопт» і «ТэхнаПлюс». У новай стратэгіі прыярытэт застаецца за абслугоўваннем фізічных асоб, аднак, мяркуючы па ўсім, банк мае намер значна пашырыць спектр аказваемых паслуг.