Айцы-марыяне запрашаюць у пілігрымку ў Росіцу
28.01.2013 / 15:16
Касцёл у Росіцы
Айцы марыяне з парафii Беззаганнага Зачацця Найсвяцейшай Панны Марыi запрашаюць 16 лютага ў Росiцу на юбiлейныя ўрачыстасцi 70-годдзя подзвiгу бласлаўлёных пакутнікаў кс. Юрыя Кашыры i кс. Антонiя Ляшчэвiча.
Падрабязнасцi i запiс па тэлефоне:
+375 44 709 03 01 Iрына Лявонаўна ( rub_irin@mail.ru).
- Росіца — гэта вёска на ўскрайку Віцебскай вобласці, дзе два каталiцкiя святары Юрый Кашыра i Антонiй Ляшчэвіч, законнiкi з кангрэгацыі айцоў марыянаў, узiмку 1943 г. здзейснiлi свой чалавечы i святарскi подзвiг, пайшоўшы разам з атэiстамi i вернiкамi, разам з католікамi і праваслаўнымi ў полымя, распаленае карнiкамi...
- Штогод усё больш людзей прыязджае ў Росiцу ў сярэдзiне лютага, каб ушанаваць памяць росiцкiх пакутнiкаў. Росiца — благаслаўлёнае месца, месца асаблiвай споведзi, асаблiвай падзякi за дар жыцця, асаблiвай малiтвы за жывых i памерлых, за сваiх родных, што згараюць у агнi хваробы цi залежнасцi, месца малiтвы за святароў, што вядуць нас да Бога.