Biełaruski pojas za 3,5 miljona - fota
Jakich tolki cenaŭ siońnia nie ŭbačyš u kramach. Adnak nacyjanalny pojas za 3.652.600 rubloŭ, pierasiahnuŭ samyja śmiełyja čakańni!
10.02.2013 / 09:55
Sprabujučy ŭbrać dzicia ŭ biełaruski nacyjanalny kaścium dla dziciačaha ranišnika, karespandent «Salidarnaści» zajšła ŭ staličny mahazin «Lanok». Tam i byŭ znojdzieny tkany pajasok šyrynioj u 8 sm pa canie, jakaja bolš nahadvaje siaredni zarobak biełarusa, — 3.652.600 rubloŭ.
I choć ni załatych, ni srebnych nitak u im nie nazirałasia, u pytańni cany vytvorcy zastalisia viernyja tradycyjam staražytnych tkačoŭ słaŭnaha horada Słucka.Darečy skazać, dadzieny pojas byŭ vyrableny na RUP «Słuckija pajasy». Pryčym, jak zapeŭniŭ pradaviec, hety asobnik — jašče nie samy darahi (niaŭžo astatnija raskupili?).
Dziela cikaŭnaści zazirnuła na sajt tavaraŭ ad viadučych jeŭrapiejskich dyzajnieraŭ. Skurany pojas ad Valentino kaštavaŭ by ŭ razy tańniej.
Uličvajučy, što naminalnaja naličanaja siaredniamiesiačnaja zarpłata ŭ Biełarusi ŭ