Samyja pradavanyja madeli aŭtamabilaŭ u Biełarusi — Łada Pryjora i Niva + infahrafika
a Vy hatovyja nabyć sabie novuju Ładu?
Fizičnyja asoby kuplajuć mienš za 47% ad ahulnaj kolkaści novych aŭto. Biełarusy pa-raniejšamu nabyvajuć zbolšaha patrymanyja.
11.02.2013 / 23:27
Biełaruskaja aŭtamabilnaja asacyjacyja nazvała samyja pradavanyja marki aŭtamabilaŭ, a taksama samyja papularnyja madeli.
Pieršaje miesca ŭ rejtynhu zajmaje rasijskaja Łada Pryjora (1231 pradadzienaje aŭto ŭ 2012 hodzie).U paraŭnańni z pazaletašnim pakazčykam jaje prodažy pavialičylisia amal utraja. Voś što sajuz Mytny tvoryć! Na druhim miescy inšy šedeŭr rasijskaha aŭtaprama — Łada Niva (871). Novyja Falksvahieny Poła Siedan byli pradadzienyja 856 razoŭ, a Dačyja Łohan i Dačyja Sandera — 759 i 649 razoŭ adpaviedna. Admietna, što piaciorka lidaraŭ taja samaja, što i ŭ 2011 hodzie.
Uśled za imi iduć Kia Rio (562), Skoda Octavia (548), Kia Sportage (401), Daewoo Matiz (319) i Lada Samara (301).
Lidarstva rasijskich aŭtamabilaŭ było dasiahnuta za košt zakupak jurydyčnymi asobami.
Sioleta kolkaść pakupnikoŭ novych aŭto siarod fizičnych asob skaraciłasia z 74,6 da 46,7%.