Ірыне Халіп дазволілі з'ездзіць да мужа

Жонка экс-кандыдата ў прэзідэнты Андрэя Саннікава атрымала дазвол на часовы выезд з Беларусі.

14.02.2013 / 10:45

Як паведаміла Халіп у каментары сайту charter97.org, пра гэтае рашэнне ёй паведамілі 13 лютага ў крымінальна-выканаўчай інспекцыі Партызанскага РУУС, дзе яна стаіць на ўліку.

Да 3 красавіка журналістка можа наведаць у Вялікабрытаніі мужа і з’ездзіць у рэдакцыю «Новай газеты», дзе яна працуе.

Разам з тым, адзначае Халіп, яна па-ранейшаму застаецца арыштанткай. У ліпені яе чакае новы суд, які будзе вырашаць, што рабіць далей.