Domračava — čempijonka śvietu ŭ mas-starcie!
17.02.2013 / 14:36
Čempijanat śvietu ŭ češskimU chutkaści ŭ biełaruski ŭsio było dobra, a voś stralba horš nie prydumaješ. Časam nie zakrytymi zastavałasia pałova mišeniaj.Novie-Miesta dla Darji Domračavaj pačaŭsia pravalna.43-je miesca ŭ spryncie,25-aje — u pahoni. U indyviduałcy taksama daloka ad miedaloŭ.
Adziny šaniec začapić miedal zastavaŭsia ŭ mas-starcie. Pieršy ahniavy rubiež znoŭ nie abyšoŭsia biez promacha, što adkinuła našu spartsmienku na trynaccatuju pazicyju.
Adnak druhaja i treciaja stralba byli projdzienyja biezdakorna. Asnoŭnaj supiernicaj zastavałasia reaktyŭnaja niemka Miryjam Hiosner. Tolki jana nie sastupała našaj Domračavaj u chadzie na dystancyi.Na apošnim rubiažy Daša dapuściła adzin promach, ale Hiosner pramazała až try razy. Zołata!
Heta druhi čempijonski tytuł Domračavaj. Upieršyniu čempijonkaj jana stała letaś u pahoni.
Srebra ŭ narviežki Tury Bierhier. Bronza — u polki Moniki Chojniš.
Heta pieršy i adziny miedal zbornaj Biełarusi na hetym čempijanacie śvietu.
Miedali (pavodle załatych): Narviehija — 11 miedaloŭ (8 załatych, 2 srebranyja, 1 bronzavy), Francyja — 5 (1, 4, 0), Ukraina — 5 (1, 1, 3), Biełaruś -- 1 (1, 0, 0), Rasija, Hiermanija, Polšča — 2 (0, 1, 1), ZŠA — 1 (0, 1, 0), Čechija — 1 (0, 0, 1), Słavienija — 1 (0, 0, 1), Šviecyja — 1 (0, 0, 1), Italija — 1 (0, 0, 1).