Ministr abarony ŭpeŭnieny, što padčas devalvacyi... «abvaliŭsia dalar»
Dziŭnuju zajavu zrabiŭ 19 lutaha na pres-kanfierencyi Juryj Žadobin.
20.02.2013 / 10:21
Pačaŭ ministr abarony sa śćvierdžańnia, što jon «vielmi zadavoleny stanam spravaŭ u aficerskim korpusie». Tłumačačy dalej svaju pazicyju, jon padzialiŭsia adkryćciom.
— Ja zadavoleny, što ŭ ciažkija dla ŭsich časy, 2009–2011 hady, kali dalar abvaliŭsia, zavahalisia adzinki, chto pakinuŭ vojska, — padkreśliŭ kiraŭnik Minabarony.
Nahadajem, 1 studzienia 2009 hoda Nacbank źniziŭ kurs biełaruskaha rubla na 20,5% u dačynieńni da dalara ZŠA. A praz dva hady, 23 maja 2011, Nacbank źniziŭ kurs biełaruskaha rubla na 56,2% u dačynieńni da dalara.
Častka čytačoŭ, biezumoŭna, moža śpisać dziŭnuju zajavu na ahavorku. Adnak, uličvajučy imidž viedamstva Juryja Žadobina, dzie jak nidzie šanujuć aficyjnuju ideałohiju i hladziać prahramu «Panarama», chutčej možna dapuścić, što ministr abarony ščyra vieryć u skazanaje im.