Ahladnaja misija MVF budzie pracavać u Biełarusi z 14 pa 25 sakavika

22.02.2013 / 20:25

Ahladnaja misija Mižnarodnaha valutnaha fondu ŭ ramkach čacviortaha artykuła statuta fondu budzie pracavać u Minsku z 14 pa 25 sakavika. Kiravać hrupaj ekśpiertaŭ fondu budzie kiraŭnik misii MVF u Biełarusi Devid Chofman.

Jak paviedamili BiełaPAN u pradstaŭnictvie MVF, ekśpierty fondu praviaduć čacviorty postprahramny manitorynh biełaruskaj ekanomiki paśla ažyćciaŭleńnia prahramy stand-by.

U 2009–2010 hadach Biełaruś atrymała ad MVF u ramkach prahramy stand-by piać tranšaŭ kredytu na ahulnuju sumu 3,46 młrd. dołaraŭ. Asnoŭny pik vypłat prypadaje na 2013–2014 hady, kali Biełarusi treba budzie viarnuć bolšuju častku pazyki.