Prysud pa spravie Biadryckaha budzie vyniesieny 15 sakavika

07.03.2013 / 14:02

Prysud pa spravie byłoha načalnika Sakrataryjata savieta respubliki nacyjanalnaha schodu Biełarusi Hleba Biadryckaha budzie abvieščany ŭ Minskim haradskim sudzie 15 sakavika.

Biadrycki byŭ zatrymany pravaachoŭnymi orhanami ŭ kancy kastryčnika 2011 hoda. Jon abvinavačvajecca ŭ kradziažy šlacham złoŭžyvańnia słužbovymi paŭnamoctvami (častki 3 i 4 artykuła 210 KK) i ŭ złoŭžyvańni ŭładaj ci słužbovymi paŭnamoctvami (častka 3 artykuła 424 KK). Pavodle nieaficyjnaj infarmacyi, Biadrycki źviartaŭsia da prezidenta z chadajnictvam ab vyzvaleńni ad kryminalnaj adkaznaści, adnak jano nie było zadavolena.

Sudovy praces pačaŭsia vosieńniu 2012 hoda i prachodziŭ u zakrytym režymie.

***

Hleb Biadrycki naradziŭsia 27 studzienia 1974 hoda ŭ Navapołacku Viciebskaj vobłaści. U 1996 hodzie skončyŭ Biełaruskuju dziaržaŭnuju politechničnuju akademiju pa śpiecyjalnaści «pramysłovaje i hramadzianskaje budaŭnictva», u 2000-m — Akademiju kiravańnia pry prezidencie pa śpiecyjalnaści «suśvietnaja ekanomika i mižnarodnyja ekanamičnyja adnosiny». Pracavaŭ u Ministerstvie architektury i budaŭnictva, pasolstvie Biełarusi ŭ Hiermanii, aparacie Savieta ministraŭ. Pasadu načalnika Sakrataryjata savieta respubliki zaniaŭ u vieraśni 2003 hoda. Uznaharodžany hanarovaj hramataj nacyjanalnaha schodu.

BiełaPAN