12. Аляксандр Якабсон
Cтаршыня Камітэта дзяржкантролю.
22.03.2013 / 15:48
Структура, якую ўзначальвае 62-гадовы ўраджэнец Гомеля, наводзіць страх на тысячы арганізацый і ўстановаў краіны.Не дай Бог гэтай праверкі! Да Якабсона на гэтым месцы працаваў Зянон Ломаць.
Шмат гадоў Аляксандр Серафімавіч аддаў будаўніцтву, потым быў мэрам Светлагорска. Якраз у той час, як горад атрымаў славу праз вялікую колькасць наркаманаў і ВІЧ-інфікаваных.
Кажуць, што ў Якабсона абсалютна адсутнічае творчы пачатак. Звычайны выканаўца.
***
Цытата: «Тут трэба штосьці рабіць!»
Пра сайты, якія «сеялі паніку» падчас фінансавага крызісу 2011.
***
Аб’ектыўка
Нар. у 1951 у Гомелі. Скончыў Беларускі інстытут інжынераў чыгуначнага транспарту, Мінскі інстытут паліталогіі і сацыяльнага кіравання. Служыў у войску. Ад 1975 працаваў у «Гомельпрамбудзе» — ад майстра да галоўнага інжынера. У 1986—1996 — старшыня Светлагорскага гарвыканкама. Дэпутат Вярхоўнага Савета (1990—1996), палаты прадстаўнікоў (1996—2000). Старшыня Гомельскага аблвыканкама ў 2001—2010. У 2010 прызначаны кіраўніком КДК.