16-hadovaja dziaŭčyna abvinavaciła svajho chłopca ŭ niaviernaści i papłaciłasia žyćciom
21.03.2013 / 10:21
Supracoŭniki Mahiloŭskaha RAUS zatrymali 18-hadovaha žychara abłasnoha centra, jaki ŭ svarcy zabiŭ svaju kachanuju nažom.Ab hetym paviedamili ŭ adździaleńni infarmacyi i hramadskich suviaziej UUS Mahiloŭskaha abłvykankama.
Chłopiec pryjechaŭ u hości da svajoj kachanaj u v. Cišoŭka (Mahiloŭski rajon) i zastaŭsia na noč. Ranicaj pamiž imi ŭspychnuła svarka.
Pavodle słoŭ hościa, dziaŭčyna časta jaho raŭnavała. Pačuŭšy abvinavačvańni ŭ niaviernaści ŭ čarhovy raz, pakryŭdžany chłopiec uziaŭsia za nož.Paranienuju haspadyniu doma znajšła babula tolki praź niekalki hadzin. Jana vyklikała milicyju i chutkuju dapamohu. Paciarpiełaja była dastaŭlena ŭ Mahiloŭskuju abłasnuju balnicu, ale vyratavać jaje daktaram nie ŭdałosia.
Chłopiec zatrymany. U dačynieńni da jaho adździełam Śledčaha kamiteta rasśledujecca kryminalnaja sprava.