U budaŭnictva «Miensk‑Sici» ŭkładuć 30 miljardaŭ naftadalaraŭ
80-paviarchovy chmaračos u centry kvartału maje stać novaj vizytoŭkaj Biełarusi.
08.08.2007 / 12:22
Fota — ais.by |
Naftahazavaja kampanija «Itera» vystupić zabudoŭnikam terytoryi novaha biznes-rajonu ŭ Miensku. Ahulny abjom rasiejskich investycyj u budaŭnictva «Miensk‑Sici» aceńvajucca ŭ 30 miljardaŭ dalaraŭ.
Na terytoryi płoščaj bolš jak 300 hiektaraŭ, dzie ciapier mieścicca aeraport «Miensk‑1» i Mienski avijaramontny zavod, planujecca ŭźvieści 80‑paviarchovuju viežu i žyłyja kvartały na 38 tysiač čałaviek. Pracy musiać pačacca ŭ 2009 hodzie.
Aproč taho, prajekt praduhledžvaje raźmiaščeńnie pasolstvaŭ i konsulstvaŭ, hramadzkaha centru, haścinic, handlovych centraŭ i zabaŭlalnych kompleksaŭ.
«Miensk‑Sici» budzie bolšym za «Maskvu‑Sici» ŭ niekalki razoŭ. Dla paraŭnańnia, płošča budoŭli ŭ Maskvie składaje 60 hiektaraŭ, a investycyi dasiahnuć 10 miljardaŭ dalaraŭ.
Ličba nastolki vialikaja, što vyklikaje niedavier.