Navukoŭcy ŭ Edynburhu navučylisia drukavać stvałavyja kletki, da 2015 hoda raźličvajuć «nadrukavać» piečań

26.03.2013 / 09:03

Navukoŭcy ŭniviersiteta Hieryjot-Uot u Edynburhu stvaryli «kletkavy 3D-pryntar», jaki ŭznaŭlaje stvałavyja kletki, što dazvolić u pierśpiektyvie stvarać donarskija orhany z kletak pacyjenta i admovicca ad testavańnia miedycynskich preparataŭ na žyviołach. Pra heta paviedamlaje Reuters.

Navukoŭcy raźličvajuć, što dziakujučy svajmu adkryćciu jany zmohuć nieŭzabavie stvarać asobnyja tkaniny, na jakich možna budzie testavać leki, a zatym i cełyja donarskija orhany.

Kali złučyć nadrukavanyja kletki z tymi, jakija znachodziacca ŭ pracesie ŭźniknieńnia, naprykład, lohkich abo piečani, možna atrymać tkaninu adpaviednaha orhana. Udzielniki prajektu spadziajucca da 2015 hodzie «nadrukavać» piečań. Čakajecca, što, kali heta ŭdasca, to «nadrukavanyja» orhany nie buduć adprečvacca arhanizmam, a miljonam śmiarotna chvorych ludziej nie daviadziecca hadami čakać donarskich orhanaŭ.

SH