Siarhiej Navumčyk: Jaki himn prapanoŭvali pryniać Adamovič, Baradulin i Bykaŭ
15.04.2013 / 00:45
U źviazku z dyskusijaj vakoł budučaha dziaržaŭnaha himnu Biełarusi, jakaja idzie na staronkach «Našaj Nivy», padajecca, budzie svoječasovym pryvieści list, jaki ŭ siaredzinie listapada 1991 hodu Vasil Uładzimieravič Bykaŭ paprasiŭ mianie pieradać u Viarchoŭny Saviet.
Za niekalki tydniaŭ da hetaha, 19 vieraśnia, u jakaści dziaržaŭnych symbalaŭ byli pryniatyja
Zrazumieła, što kali b Viarchoŭny Saviet pajšoŭ hetym šlacham (konkurs i referendum) — my b zastalisia z BSSRaŭskaj symvolikaj, bo i nacyjanalnyja symbali ŭdałosia zaćvierdzić nia ź pieršaha razu, «hołas u hołas», a praź niekalki tydniaŭ «parlamienckaja bolšaść» adyšła ad paślaputčaŭskaha šoku i viarnułasia ŭ svoj zvyčajny stan.
Voś u hetyja dni i pieradaŭ Vasil Uładzimieravič taki list:
«Ahulnaviadoma, što biez nacyjanalnaj symboliki niemahčyma paśpiachovaje ažyćciaŭleńnie vysakarodnaj idei samavyznačeńnia narodu. Vydatna, što Viarchoŭny Saviet Respubliki Biełaruś narešcie zrazumieŭ važnaść u hetaj spravie
My prapanujem uzakonić himn na słovy M.Kraŭcova, ažyćciaviŭšy tym važniejšy dziaržaŭny akt na šlachu da sapraŭdnaj suverennaści Respubliki Biełaruś.
Aleś Adamovič, Ryhor Baradulin, Vasil Bykaŭ, 13 listapada 1991 h."
List ja pieradaŭ u parlamenckuju «Narodnuju hazetu» i ŭ sakrataryjat Viarchoŭnaha Savietu. Niahledziačy na istotnuju źmienu nastrojaŭ deputataŭ, dumaju, što šaniec pryniać novy himn usio ž byŭ, chacia i nievialiki — ale mienavita ŭ pytańni himnu pieramahła prapanova zrabić konkurs. Konkurs toj zaciahnuŭsia nie na adzin hod, vynik jaho viadomy.
Pryhadvajučy list troch vybitnych biełarusaŭ, pavinien skazać, što sam Bykaŭ padzialaŭ sympatyi pamiž «My vyjdziem ščylnymi radami…» i «Mahutny Boža». U apošnija miesiacy svajho žyćcia jon nabraŭ na kamputary tekst vieršu Arsieńjevaj i ŭ sakaviku
Dumaju, što pry vybary himnu varta kiravacca mienavita hetymi słovami z vyšejpryviedzienaha lista — «Teksty himnaŭ cyvilizavanych krain zvyčajna archaičnyja, ale jany niaźmienna kananičnyja, achryščany kryvavaj historyjaj, i ŭ hetym ich mastackaja i duchoŭnaja siła». Słovy ŭ roŭnaj stupieni adnosiacca da abodvuch — voś chacieŭ napisać «pieśniaŭ», ale ni «Mahutny Boža», ni «My vyjdziem ščylnymi radami…» užo nie nazavieš pieśniami — u našym uspryniaćci jany, kaniečnie, himny.
Što da mianie, dyk hety vybar pamiž dvuma byŭ by vielmi składanym. Ale ŭsio ž schilajusia ŭ bok himnu «Mahutny Boža» — u varyjancie bolš enerhičnaj aranžyroŭki.