Ładućka: Minsk pavinien być pryviedzieny ŭ paradak da 5 maja
Minsk pavinien być całkam pryviedzieny ŭ paradak da 5 maja. Takoje daručeńnie daŭ staršynia Minharvykankama siońnia na apieratyŭnaj naradzie.
15.04.2013 / 12:30
«Pracy pa naviadzieńni paradku ŭ horadzie nieabchodna aktyvizavać, i nie tolki na dvarovych terytoryjach, ale i ŭnutry budynkaŭ. Bolš aktyŭna treba pryciahvać rabotnikaŭ pradpryjemstvaŭ, arhanizacyj i žycharoŭ horada. Pakul z hetym jość prablemy,— skazaŭ Mikałaj Ładućka. — Minsk pavinien być całkam pryviedzieny ŭ paradak da 5 maja, tolki siłami rabotnikaŭ kamunalnych słužbaŭ zrabić heta niemahčyma».
Hałoŭny dziaržaŭny sanitarny ŭrač Minska Natałla Žukava padkreśliła, što pracy pa dobraŭparadkavańni stalicy pravodziacca niezdavalniajuča.
«U nienaležnym stanie znachodziacca 24% ab’iektaŭ, siarod jakich ŭnutrydvarovyja terytoryi, ab’iekty rajonnych remaŭtadoraŭ, UP «Zielanbud», budaŭničyja ab’iekty. Intensiŭnaje rastavańnie śniehu pakaža, što ich našmat bolš», — skazała jana.