Hramadstva

Na Budsłaŭski fest pryjedzie papski pasłańnik, kardynał Taran

15 krasavika Papa Francišak pryznačyŭ kardynała Žana-Łui Tarana, staršyniu Papskaj rady pa mižrelihijnym dyjałohu, svaim śpiecyjalnym lehatam na ŭračystaści 400-hodździa prybyćcia cudatvornaha abraza Božaj Maci ŭ Budsłaŭ.

Jubilejny fest u Budsłavie adbudziecca 5–6 lipienia. Sioletnija ŭračystaści projduć pad devizam «Maryja — Maci našaj viery». Duchoŭnaja padrychtoŭka da jubileju praciahvałasia try hady.

Kardynał Žan-Łui Taran uznačalić centralnuju Imšu padčas budsłaŭskaha festu — 6 lipienia ŭ 11.00.

Akramia prybyćcia papskaha lehata, na jubilei čakajucca pradstaŭniki jepiskapataŭ roznych krain Jeŭropy, šmatlikija vierniki, mnohija ź jakich pryjduć pieššu ŭ tradycyjnych pilihrymkach.

Kamientary da artykuła