U najbližejšyja dni budzie ciopła i soniečna

15.04.2013 / 14:20

U najbližejšyja dni ŭ Biełarusi čakajecca ciopłaje i soniečnaje nadvorje, paviedamiŭ načalnik słužby hidramietearałahičnych prahnozaŭ Respublikanskaha hidramieteacentra Dźmitryj Rabaŭ padčas videabryfinhu.

Pavodle jaho słoŭ, u aŭtorak čakajecca pieravažna biez apadkaŭ, u načnyja i ranišnija hadziny pieravažna tuman, tempieratura pavietra nočču 0°S — plus 5°S, dniom plus 11–17°S.

Jak paviedamiŭ Rabaŭ, u sieradu taksama čakajecca pieravažna biez apadkaŭ. Tolki dniom pa zachadzie Viciebskaj vobłaści mahčymy karotkačasovyja daždžy. Nočču i ranicaj miescami tuman. Tempieratura pavietra nočču plus 2–8°S,

dniom plus 15–21°S.

U čaćvier čakajecca pieravažna biez apadkaŭ, nočču i ranicaj miescami tuman. Tempieratura pavietra nočču plus 3–9°S, dniom plus 16–22°S.

«Adnak pačynajučy ź piatnicy charaktar nadvorja krychu źmienić małaaktyŭny atmaśfierny front, jaki budzie ssoŭvacca z paŭnočnaha zachadu Jeŭropy i projdzie praz usiu krainu», — adznačyŭ sinoptyk.

U piatnicu ranicaj i dniom pa paŭnočna-zachodniaj pałovie krainy čakajucca miescami karotkačasovyja daždžy, mahčymy navalnicy. Nočču i ranicaj u asobnych rajonach tuman. Tempieratura pavietra nočču plus 5–11°S, dniom plus 16–22°S. Pa paŭnočnym zachadzie pry daždžach plus 12–15°S.

Jak paviedamiŭ Rabaŭ, u subotu i niadzielu miescami projduć karotkačasovyja daždžy, dniom mahčymy navalnicy. Nočču i ranicaj u asobnych rajonach tuman. Tempieratura pavietra nočču ŭ subotu plus 3–9°S, u niadzielu nočču 0°S — plus 2°S. Dniom pa krainie čakajecca plus 9–14°S, pa paŭdniovym uschodzie krychu ciaplej, plus 15–20°S.