U Minsku mohuć uvieści štraf za raskidvańnie śmiećcia ŭ hramadskich miescach
22.04.2013 / 14:44
Staršynia Minharvykankama Mikałaj Ładućka daručyŭ razhledzieć mahčymaść uviadzieńnia ŭ Minsku štrafu za raskidvańnie śmiećcia ŭ hramadskich miescach. Pra heta jon zajaviŭ siońnia na apieratyŭnaj naradzie.
«Addzieł haradskoj haspadarki harvykankama jak orhana struktury sistemy dziaržkiravańnia pavinien inicyjavać adpaviednuju prapanovu, i ŭnieści na razhlad deputatam», -- skazaŭ Mikałaj Ładućka.
Namieśnik načalnika addzieła haradskoj haspadarki Anatol Dasiukoŭ vykazaŭ upeŭnienaść u tym, što ŭ Minsku ŭžo naśpieła nieabchodnaść pryniaćcia mier administracyjnaj adkaznaści za parušeńnie žycharami sanitarnaha stanu terytoryi horada.
«Aktyŭnaje rastavańnie śniehu prademanstravała vialikuju kolkaść śmiećcia, pakinutaha žycharami Minska hetaj zimoj, asabliva na prylehłych da žyłych damoŭ terytoryjach. Uviadzieńnie štrafu dazvolić vychavać u ludziach adkaznaść i pavaha da pracy kamunalnikaŭ, -- skazaŭ jon. -- Burnaja ekanomika horada patrabuje i jaho pryvabnaha vonkavaha vyhladu».
Anatol Dasiukoŭ taksama padkreśliŭ, što ŭ Minsku mohuć aštrafavać za vykidańnie śmiećcia z voknaŭ aŭtamabilaŭ na sumu ad 1 da 2 bazavych vieličyń, adnak hetaja miera administracyjnaha ŭździeiańnia praktyčna nie ŭžyvajecca.
U Čechii štraf za raskidvańnie śmiećcia składaje 50 jeŭra, u Vialikabrytanii - 57 jeŭra, u Ispanii - 90 jeŭra, u Šviecyi - 170 jeŭra, u Sinhapury - 500 jeŭra. Parušalnikami praviłaŭ sanitarnaha stanu ŭ hetych krainach zjaŭlajucca ŭ asnoŭnym turysty, bo ŭ samich žycharoŭ u asnoŭnym sfarmiravana kultura pavodzin.