Беларусь наведае дэлегацыя кітайскіх бізнэс-колаў

23.04.2013 / 09:10

З 24 па 28 красавіка адбудзецца візіт у Беларусь кітайскай дэлегацыі, у якую ўваходзяць прадстаўнікі цэнтральнага офіса Кітайскага камітэта садзейнічання міжнароднаму гандлю, Кітайскага камітэта садзейнічання міжнароднаму гандлю Сіаня (правінцыя Шэньсі), урада правінцыі Шаньсі і Сіань, а таксама 11 прадстаўнікоў кітайскіх кампаній.
Узначальвае дэлегацыю намеснік старшыні Кітайскага камітэта садзейнічання міжнароднаму гандлю Чжан Вэй.

У рамках візіту пройдуць перамовы з кітайскімі кампаніямі. Арганізатарам гэтага мерапрыемства выступае УП «Мінскае аддзяленне БелГПП» сумесна з Кітайскім камітэтам садзейнічання міжнароднаму гандлю.

25 красавіка адкрыецца Беларуска-Кітайскібізнес-форум з удзелам кіраўніцтва Беларускай гандлёва-прамысловай палаты, прадстаўнікоў Мінгарвыканкама і Мінаблвыканкама, прадстаўнікоў адміністрацыі СЭЗ «Мінск».
Затым пройдзе кантактна-кааперацыйная біржа з удзелам прадстаўнікоў прадпрыемстваў Беларусі і Кітая.

У рамках мерапрыемства беларускія прадпрыемствы могуць мець магчымасць правесці двухбаковыя перамовы па наступных кірунках: інвеставанне сумесных праектаў; імпартна-экспартныя аперацыі; прамысловыя інвестыцыі; даследаванне, развіццё, вытворчасць і сістэмная інтэграцыя электронікі і інфармацыйных прадуктаў; стварэнне камп’ютарнага праграмнага забеспячэння; перапрацоўка драўніны; праектаванне і будаўніцтва чыгуначных пуцей, хуткасных чыгунак, аўтамабільных дарог і іншых.