Беларусь наведае парламенцкая дэлегацыя Сінгапура
23.04.2013 / 13:39
Парламенцкая дэлегацыя Сінгапура будзе знаходзіцца з афіцыйным візітам у Беларусі з 25 па 28 красавіка.
Узначальваць дэлегацыю будзе спікер парламента Сінгапура Халіма Якаб. Запланаваныя яе сустрэчы ў абедзвюх палатах нацыянальнага сходу Беларусі.
Апрача таго, праграмай візіту прадугледжана наведванне беларускага Парка высокіх тэхналогій, ЗАТ "Мілавіца", Нацыянальнага гісторыка-культурнага музея-запаведніка "Нясвіж" і Нацыянальнай бібліятэкі Беларусі.