У Баранавічах пенсіянерка звалілася ў калодзеж глыбінёй 12 метраў — фота
Выпадак здарыўся 2 мая
03.05.2013 / 11:12
72-гадовая жанчына звалілася ў калодзеж глыбінёй 12 метраў. Суседка пачула крыкі аб дапамозе і патэлефанавала ў міліцыю. Самога падзення ў калодзеж яна не бачыла.
Работнікі МНС пры дапамозе выратавальнай вяроўкі і пажарнага пояса дасталі жанчыну.
Пасля агляду брыгадай хуткай дапамогі яна была шпіталізавана з дыягназам «агульнае пераахаладжэнне».