Skandynaŭskaja presa pra bieł-čyrvona-bieły ściah: «Dyktatar zabaraniŭ»
06.05.2013 / 08:30
Najbolšyja haziety Skandynavii źviarnuli ŭvahu na skandał na chakiejnym čempijanacie. Arhanizatary turniru z padačy biełaruskich uładaŭ zapatrabavali ad fanataŭ biełaruskaj kamandy nie ŭžyvać bieł-čyrvona-biełych ściahoŭ. Padstava – nielha zajmacca palityčnaj prapahandaj na spartovych imprezach.
Presa piša pra hetuju kantraviersiju ź jaŭnaj simpatyjaj da fanataŭ i krytyčna adnosna Fiederacyi chakieja. Alaksandr Łukašenku haziety nazyvajuć «dyktataram», ad hetaj historyi jon atrymaŭ antypijar.
«Biełaruski dyktator pastaviŭ zabaronu na tradycyjny bieł-čyrvona-bieły ściah», — piša samaja ŭpłyvovaja hazieta Narviehii Aftenposten.
«Daŭnišni ściah Biełarusi zabaronieny dyktataram Alaksandram Łukašenkam. I arhanizatarami Čempijanatu śvietu pa chakiei, — paviedamlaje papularnaja šviedskaja «Dahiens niuchieter». — Ciapier płany biełaruskich fanataŭ źviazany z hulnioj suprać Tre krunur u paniadziełak».
«Chakiejnaja fiederacyja niekrytyčna vykonvaje pažadańni dyktatara», — cytuje hazieta pravaabaroncu Izabełu Somerfeld.