U Litvie stvarajecca biełaruski handlovy centr
06.05.2013 / 09:22
Šerahi hulcoŭ roźničnaha handlu ŭ Litvie ŭ chutkim časie pavinna papoŭnić jašče adna handlovaja sietka — Fresh market.
Uładalniki hetaj sietki źviazanyja z najbujniejšymi biełaruskimi handlarami, a mierkavanaja niša — kramy śviežych praduktaŭ nievialikaha farmatu bližej da doma.
Sietka Fresh market u Litvie zarehistravanaja ŭ kancy studzienia. Hałoŭny akcyjanier kampanii — pradpryjemstva aptovaha handlu Ipsun, jakoje impartuje sadavinu, harodninu, raślinny alej.
Saŭlus Urbonas, kiraŭnik pradpryjemstva Ipsun, paćvierdziŭ, što płanujecca adkryć kramy, iduć pieramovy ź litoŭskimi pastaŭščykami, ale kankretnyja płany i mety kampanija pakul nie kamientuje.
Pa dadzienych Centra rehistra, adziny akcyjanier Ipsun — zarehistravanaja na Kipry kampanija Ipsun Holding Limited. Pa słovach pastaŭščykoŭ, inviestycyi prychodziać ź Biełarusi, a inviestary źviazanyja z akcyjanierami najbujniejšaj biełaruskaj handlovaj sietki «Jeŭraopt».
Śćviardžajecca, što ŭ hetaj sietki, u jakoj 131 krama, najbolš nizkija ceny.