КНДР запусціла тры балістычныя ракеты
18.05.2013 / 11:20
КНДР запусціла тры балістычныя ракеты малога радыусу са свайго ўсходняга ўзбярэжжа ў Японскае мора.
Па дадзеных міністэрства абароны Рэспублікі Карэя, два запускі былі зафіксаваныя раніцай, а яшчэ адзін - пасля апоўдня. Тып запушчаных ракет не ўдакладняецца.
У Сеуле адзначылі, што ўзброеныя сілы Паўднёвай Карэі пільна сочаць за дзеяннямі КНДР і захоўваюць рэжым павышанай гатоўнасці.
Раней паведамлялася, што КНДР вывела з боегатоўнасці ракеты, размешчаныя на ўсходнім узбярэжжы і пагражаюць бяспецы ЗША і Паўднёвай Карэі.