Спецыяліст раіць, як выратавацца ад ядавітых павукоў-тарантулаў — відэа
20.05.2013 / 09:35
Яны прыйшлі з поўдня і актыўна рассяляюцца па Беларусі, выкарыстоўваючы ў якасці экалагічных калідораў поймы рэк Прыпяць, Дняпро і Сож.
Часцей за ўсё павукі кусаюць людзей, якія неасцярожна наступілі на іх. Укус павука-тарантула для большасці людзей не ўяўляе вялікай пагрозы, але можа выклікаць хваравітую рэакцыю і прывесці да невялікага ацёку.
У эфіры тэлеканала АНТ парады на конт таго, як уратавацца ад тарантулаў, даў малодшы навуковы супрацоўнік Цэнтра па біярэсурсах Нацыянальнай акадэміі навук Уладзіслаў Іваноў.
Ён падкрэсліў: удзень тарантулы не нападаюць, асцерагацца іх трэба ўначы, калі яны выходзяць са сваіх норак.