«Devalvacyja vyšejšaj adukacyi»: Letaś škoły skončyli 64 tysiač čałaviek, u VNU pastupili — 81,3 tysiačy

23.05.2013 / 16:25

Vice-premjer pa sacyjalnych pytańniach Anatol Tozik na kruhłym stale ŭ redakcyi haziety «Sovietskaja Biełorussija» ahučyŭ cikavyja ličby.

«U nas u 1990 hodzie było 78 tysiač vypusknikoŭ. A ŭ VNU pryniali na dzionnuju formu navučańnia 25 tysiač — heta 32% ad ahulnaj kolkaści tych, chto skončyŭ škołu. Usiaho ž było 37 tysiač — razam z zavočnaj i viečarovaj formaj navučańnia.
A ciapier udumajciesia jašče ŭ dźvie ličby. Letaś vypusknikoŭ było 64 tysiačy, a na ŭsie formy navučańnia ŭ VNU pryniata 81,3 tysiačy čałaviek», — skazaŭ Tozik.

«Voś i devalvacyja vyšejšaj adukacyi», — padsumavaŭ hetyja ličby načalnik navukova-daśledčaha centra Nacyjanalnaha instytuta adukacyi Aleh Lisiejčykaŭ.

Namieśnik ministra adukacyi Vasil Budkievič zaznačyŭ, što na siońnia «70–80% vypusknikoŭ škoł iduć u VNU».

ZP