Metallica pakazała trejler filma pra siabie — videa
23.05.2013 / 19:58
Hurt Metallica prezientavała trejler filma «Metallica — Through The Never», jaki sumiaščaje mastackija sceny i kadry z vystupu hurta. Rolik apublikavany na aficyjnym sajcie hurta.
U chvilinnym trejlery pakazany hałoŭny hieroj filma — supracoŭnik techničnaj kamandy Metallica, jakomu padčas kancertu dajuć niejkaje važnaje daručeńnie. Hieroja karciny hulaje Dejn DeChaan (Dane DeHaan). Režysioram filma i aŭtaram scenaryja źjaŭlajecca Nimrod Antał, jaki źniaŭ u 2010 hodzie «Drapiežnikaŭ».
Akramia hałoŭnaha hieroja ŭ trejlery pakazanyja muzyki Metallica, jakija vykonvajuć pieśniu «Master of Puppets». Karcina zdymajecca ŭ farmacie 3D. Premjera «Metallica — Through The Never» adbudziecca ŭ ZŠA 27 vieraśnia 2013 h., pieršy čas film buduć pakazvać tolki ŭ kinateatrach IMAX.