Напад на аптэку: фармацэўтка клікала на дапамогу, але ўсе праходзілі міма

30.05.2013 / 10:06

Выпадак адбыўся ў Гродне на вуліцы Янкі Купалы,

23-гадовы хлопец зайшоў у аптэку і калі ў памяшканні нікога не засталося, апроч яго і прадаўца, выцягнуў з вітрыны некалькі пачкаў фітагарбаты і флакон карвалолу.

Аднак аптэкар аказала яму актыўны супраціў, у выніку бойкі нападнік пры падзенні стукнуўся галавой аб прыступкі.

Усё гэта адбывалася на вачах прахожых, але, нягледзячы на ​​крыкі аб дапамозе, жанчыне ніхто не дапамог, і злачынца ўцёк. Але ў руках аптэкара засталася майка рабаўніка.

Акрамя таго, на месцы злачынства ён пакінуў адбітак пальцаў, па якім зламысніка і злавіла міліцыя.

Маладога чалавека знайшлі ў адным з прытонаў. Дарэчы раней ён скраў у свайго бацькі тэлевізар.