Sprava «siamji piedafiłaŭ»: zatrymany taksama 16-hadovy syn
30.05.2013 / 13:37
Padčas rasśledavańnia kryminalnaj spravy ŭ dačynieńni da pamočnika vychavalnika adździeła adukacyi Śvietłahorskaha rajvykankama, jaki abvinavačvajecca ŭ zhvałtavańni niepaŭnaletniaj, jakaja žyła razam ź im u jakaści pryjomnaha dziciaci, stała viadoma ab supraćpraŭnaj dziejnaści 16-hadovaha syna abvinavačvanaha.
Jak paviedamiła aficyjny pradstaŭnik Śledčaha kamiteta pa Homielskaj vobłaści Maryja Kryvanohava, śledčym upraŭleńniem USK pa Homielskaj vobłaści vyniesiena pastanova ab raspačynańni spravy ŭ dačynieńni da niepaŭnaletniaha pa prykmietach złačynstva, praduhledžanaha č. 3 st. 167 Kryminalnaha kodeksa Biełarusi (nasilnyja dziejańni sieksualnaha charaktaru, učynienyja ŭ dačynieńni da zaviedama małaletniaj). Paciarpiełaj pa hetaj kryminalnaj spravie pryznanaja dziaŭčynka 2006 hoda naradžeńnia, jakaja raniej pražyvała ŭ vioscy Kazłoŭka ŭ dziciačym domie siamiejnaha typu.
Padazravany zatrymany i źmieščany ŭ IČU Śvietłahorskaha RAUS. Pravodzicca kompleks śledčych dziejańniaŭ, skiravanych na vyjaŭleńnie i dokaz usich epizodaŭ supraćpraŭnaj dziejnaści zatrymanaha.
Nahadajem, u krasaviku Śvietłahorskim rajonnym adździełam Śledčaha kamiteta było vystaŭlena abvinavačańnie jaho baćku, 43-hadovamu žycharu rajona, u zhvałtavańni niepaŭnaletniaj 1997 hoda naradžeńnia. Padčas papiaredniaha rasśledavańnia ŭstanoŭlena, što abvinavačvany nieadnarazova ŭčyniaŭ zhvałtavańnie paciarpiełaj, jakaja pražyvała razam ź im u jakaści pryjomnaha dziciaci. Pakul jašče praviarajecca jaho datyčnaść da ŭčynieńnia nasilnych dziejańniaŭ sieksualnaha charaktaru ŭ dačynieńni da troch dziaŭčynak.
Mužčyna pracavaŭ pamočnikam vychavaciela dziciačaha doma siamiejnaha typu. 16 krasavika jon byŭ zatrymany pa padazreńni ŭ zhvałtavańni 15-hadovaj dziaŭčyny, baćkam-vychavalnikam jakoj źjaŭlaŭsia. U dziciačym domie siamiejnaha typu vychoŭvalisia 12 dziaciej, ich usich zabrali paśla zatrymańnia mužčyny.
Na danym etapie śledstva daśviedčanaść žonki abvinavačvanaha va ŭčynieńni ŭ ich domie supraćpraŭnych dziejańniaŭ nie paćvierdziłasia.