МВФ лічыць абменны курс рубля завышаным на 11%

13.06.2013 / 13:47

Эксперты Міжнароднага валютнага фонду (МВФ) мяркуюць, што абменны курс беларускага рубля завышаны на 11%.

«Падыход на аснове макраэканамічнай раўнавагі паказвае разрыў, які расце паміж прагназуемым сярэднетэрміновым сальда рахунку бягучых аперацый і разліковай нормай рахунку бягучых аперацый, што прадугледжвае завышэнне курсу рубля на 11%», — агенцтва «Інтэрфакс» цытуе апублікаваны МВФ традыцыйны агляд беларускай эканомікі.