U Biełarusi zabrali licenzii ŭ 12 pryvatnych miedcentraŭ
19.06.2013 / 11:30
U Biełarusi za hrubyja parušeńni pazbaŭlenyja licenzij 12 pryvatnych miedcentraŭ, paviedamiŭ siońnia žurnalistam ministr achovy zdaroŭja Vasil Žarko ŭ pałacie pradstaŭnikoŭ.
«Pa vynikach pravierak 12 centraŭ pazbaŭlenyja licenzij za hrubyja parušeńni», — skazaŭ ministr. Jon rastłumačyŭ, što parušeńni, u pryvatnaści, vyjaŭlalisia ŭ tym, što vykarystoŭvałasia sastarełaje abstalavańnie ci nie było ŭkładak dla akazańnia ekstranaj dapamohi. Heta značyć parušeńni mahli niehatyŭna adbicca na zdaroŭi pacyjentaŭ.
Pry hetym dvojčy ŭ miedcentry navat nie byli dapuščanyja pradstaŭniki Ministerstva achovy zdaroŭja, jakija pryjšli dla pravierki. Ministr udakładniŭ, što ŭsiaho było pravierana 260 miedcentraŭ.