Bandarenka: Fatohraf Curanaŭ staŭ saŭdzielnikam katavańniaŭ
Što Vy dumajecie pra heta?
Špacyravać u kajdankach u
19.06.2013 / 18:36
Emihrant, kaardynatar hramadzianskaj kampanii «Jeŭrapiejskaja Biełaruś» Źmicier Bandarenka zajaviŭ pra heta sajtu charter97.org, kamientujučy vyniki konkursu «Pres-fota 2013», abvieščanyja ŭčora ŭ Minsku.
«Šakavany rašeńniem žury Belarus Press Photo prysudzić Hran-pry supracoŭniku haziety «Na stražie» Viačasłavu Curanavu. Mahčyma, niechta ŭ hetych zdymkach z Žodzinskaj turmy ŭhledzieŭ hłyboki fiłasofski sens. Ja baču ŭ ich śviedčańnie taho, što supracoŭnik-fatohraf Curanaŭ staŭ jak minimum saŭdzielnikam katavańniaŭ i ździekaŭ nad viaźniami. Absalutna jasna, što hetaja dzikaja fotasiesija z durackim kresłam u špacyrnym dvoryku nie była dobraachvotnaj. Źniavolenyja nie hladziać u abjektyŭ, a ich ruki ŭ maroz skavanyja za śpinaj kajdankami. Kali ja siadzieŭ u karcary turmy KDB, mnie «paščaściła» špacyravać u kajdankach u 15-hradusny maroz. Mahu skazać, što heta samaje sapraŭdnaje katavańnie. Čałaviek adčuvaje vielmi mocny bol, a paśla takoha «špacyru» kiści ruk na praciahu niekalkich hadzin zastajucca sinimi. Dla sadystaŭ važna, što pry hetym nie zastajecca śladoŭ.
Na žal, dla mnohich biełaruskich milicyjantaŭ i fotakara «Na stražie» Curanava źniavolenyja — tolki biaspraŭnyja raby. Ale pra što dumali členy žury pavažanaha konkursu, zastajecca niezrazumiełym», — zajaviŭ Bandarenka.
Viačasłaŭ Curanaŭ, majučy dostup u turmy, zrabiŭ sieryju fotaŭ asudžanych da pažyćciovaha źniavoleńnia ŭ Žodzinskaj turmie. U pryvatnaści, jon zdymaŭ asabliva niebiaśpiečnych złačyncaŭ u dvoryku, u časie špacyru. Jany pazavali fatohrafu, siedziačy ŭ kreśle. Zdymki adbyvalisia zimoj, na ziamli lažyć śnieh, viaźni adzietyja ŭ jadavita-aranžavyja roby.
Rezki pratest u internecie vyklikała paralelnaja zajava Bandarenki: što žury konkursu abrała foty karespandenta haziety «Na stražie» dla taho, kab albom nie byŭ pryznany ŭładami ekstremisckim, jak heta zdaryłasia z vydańniem 2011 hoda. Heta «chartyjnaść hałaŭnoha mozha, toj samy łukašyzm, tolki naadvarot», — napisaŭ teleapieratar Aleś Barazienka, jakoha nie raz zatrymlivali za žurnalisckuju dziejnaść. A miedyjakansultant Alaksiej Lavončyk nazvaŭ myśleńnie Bandarenki «chvaravitym».