Zatrymali piedafiła, jaki zamańvaŭ 7-hadovych dziaŭčynak

25.06.2013 / 13:14

U Mahilovie zatrymali 53-hadovaha mužčynu, jaki padazrajecca ŭ piedafilii.

U pravaachoŭnyja orhany abłasnoha centra pastupiła paviedamleńnie, što ad dziejańniaŭ seksualnaha charaktaru paciarpieli dźvie maleńkija dziaŭčynki. Nieŭzabavie pa haračych śladach byŭ zatrymany i padazravany ŭ złačynstvie.

Im akazaŭsia 53-hadovy mahiloviec. Mužčyna zamaniŭ 7-hadovych dziaŭčynak na terytoryju budavanaha doma ŭ mikrarajonie «Spadarožnik» u Mahilovie, dzie i ŭčyniŭ nad imi hvałtoŭnyja dziejańni.

Zaraz ustanaŭlivajucca ŭsie akaličnaści złačynstva. Abvinavačany źmieščany pad vartu.