Pa tysiačy za miesiac: kolkaść nasielnictva skaraciłasia na 5,1 tys. čałaviek
26.06.2013 / 20:13
Kolkaść nasielnictva Biełarusi na 1 červienia 2013 hoda skłała 9 młn. 458,7 tys. čałaviek i ŭ paraŭnańni z pačatkam hoda skaraciłasia na 5,1 tys. Pra heta BiełaPAN paviedamili ŭ pres-słužbie nacyjanalnaha statystyčnaha kamiteta.
U studzieni—mai 2013 hoda ŭ krainie naradziłasia 46.740 dziaciej, što na 1.718 bolš, čym u studzieni—mai 2012 hoda; pamierła 55.717 čałaviek, ci na 1.710 čałaviek bolš. Naturalnaje źmianšeńnie nasielnictva skłała 8. 977 čałaviek.
U studzieni—mai 2013 hoda ŭ paraŭnańni sa studzieniem—majem 2012 hoda kolkaść zarehistravanych šlubaŭ pavialičyłasia na 18,7% (da 23.926), lik razvodaŭ pamienšyŭsia na 13,3% (da 14.582). U studzieni—mai 2013 hoda na 1.000 šlubaŭ prychodziłasia 609 razvodaŭ, u studzieni—mai 2012 hoda — 835 razvodaŭ.
Mihracyjny pryrost u studzieni—mai hetaha hoda ŭ paraŭnańni z anałahičnym pieryjadam 2012 hoda pavialičyŭsia na 36,1% i skłaŭ 3.804 čałavieki. Stanoŭčaje salda mihracyi pamienšyła naturalnaje źmianšeńnie nasielnictva na 42,4% (u studzieni—mai 2012 hoda — na 31,1%).