U Baranavičach i Pinsku bastujuć bolš jak try tysiačy pradprymalnikaŭ
27.06.2013 / 13:41
U Baranavičach u adnadzionnaj respublikanskaj zabastoŭcy pradprymalnikaŭ biaruć udzieł prykładna 3 tys. čałaviek, paviedamiŭ miascovy aktyvist RHA «Pierśpiektyva» Mikałaj Čarnavus.
«Zabastoŭku padtrymali pradprymalniki rynku „Paleski“ i kaapieratyŭnaha rynku, a taksama šerahu mahazinaŭ horada, — paviedamiŭ Čarnavus.— Hrupa pradprymalnikaŭ siońnia chadziła ŭ harvykankam, kab vykazać pratest suprać uviadzieńnia patrabavańniaŭ techrehłamientu Mytnaha sajuza. Tam nam zajavili, što pytańnie vyrašajecca ŭ Ministerstvie ekanomiki. Na što my adkazali: prablemu pradprymalnikaŭ pa siertyfikatach jano nie zdymaje».
Jak paviedamiŭ adzin ź pinskich pradprymalnikaŭ, u horadzie 27 červienia pravodziać zabastoŭku bolš jak 500 pradprymalnikaŭ rynku, raźmieščanaha na vulicy Leninhradskaj.