Tryvožnyja viestki ź Dziatłaŭščyny: U śviniej prablemy sa zdaroŭjem
28.06.2013 / 15:13
Padazrony vypadak zarehistravany ŭ vioscy Łapušna. Ciapier tudy pryjechała rajonnaje načalstva.
Voś što Jeŭraradyjo paviedamili ŭ Daniłavickim sielsaviecie, kudy ŭvachodzić zhadanaja vioska:
«Viedajecie, dakładna skazać ja nie mahu vam. Byli prablemy, adzin vypadak.Analizy brali. A siońnia ŭsie tudy pajechali, kamisija. A što tam i jak — nie viedaju. Zvaniła staršyni sielsavieta — nie biare trubku. Samoj ža cikava. Usie słužby rajonnyja tam i z Upraŭleńnia taksama».
Nahadajem, ministr sielskaj haspadarki i charčavańnia Leanid Zajac paviedamiŭ, što ŭspyška zachvorvańnia afrykanskaj čumy śviniej adbyłasia 21 červienia na terytoryi vioski Čapuń Iŭjeŭskaha rajona. Na 25 červienia jaje ŭžo łakalizavali. Praciahvałasia akcyja pa niedapuščeńni raspaŭsiudu zachvorvańnia ŭ Karelickim, Navahrudskim, Staŭbcoŭskim i Vałožynskim rajonach. Tam u ludziej zabirali śviniej.
Adnak dniami źjavilisia źviestki pra źniščeńnie śviniej u adnoj ź viosak Baranavickaha rajona. Ciapier ža havorka ŭžo idzie pra Dziatłaŭski rajon, jaki nie miažuje ź Iŭjeŭskim rajonam.