Zdareńni

Na rejkach stancyi mietro «Kuncaŭščyna» zahinuŭ małady mužčyna

Pra heta BIEŁTA paviedamili ŭ Minskim haradskim upraŭleńni Ministerstva pa nadzvyčajnych situacyjach.

Siońnia kala 13.50 u MNS pastupiła paviedamleńnie ad ciahnikovaha dyśpietčara 2-j linii Minskaha mietrapalitena ab padzieńni čałavieka na šlachi. U chodzie razboru było ŭstanoŭlena, što na stancyi mietro «Kuncaŭščyna» 2-j linii mietrapalitena ź pierona druhoha šlachu (u napramku stancyi mietro «Mahiloŭskaja») upaŭ mužčyna 1984 hoda naradžeńnia. Rabotniki mietrapalitena źniali napružańnie z kantaktnaj rejki i padniali paciarpiełaha na pieron. Bryhada chutkaj dapamohi paśla praviadzieńnia reanimacyjnych mierapryjemstvaŭ u 14.20 kanstatavała śmierć. Pryčyna śmierci vyśviatlajecca.

Spynieńnie ruchu elektraciahnikoŭ skłaŭ 8 chvilin (z 13.44 pa 13.52).

Kamientary da artykuła